Ngjyra në Hapësirë
Ngjyra është faktori më përcaktues në dekorimin e një hapësire të brendshme dhe ka fuqinë të formojë përshtypje dhe ndjenja që nga çasti i parë. Tonet e ngjyrave në muret dhe tavanin, të kombinuara me dyshemenë, mund të zbusin dhe zgjerojnë vijat e hapësirës. Krijohet kështu iluzioni se hapësira është më e madhe ose më e vogël, më e gjerë ose më e ngushtë, më e lartë ose më e ulët.
Dysheme e errët e kombinuar me mure dhe tavan me ngjyrë të hapur e bën dhomën të duket më e gjerë.
Dysheme dhe tavan të errët me mure të hapura e bëjnë sallonin të duket më i ulët.
Muret e errët me tavan dhe dysheme të hapur theksojnë vijat horizontale të hapësirës.
Kombinimi i dyshemesë, tavanit dhe murit të pasmë me ngjyrë të hapur bën që hapësira të duket më e ngushtë, më e thellë dhe më e lartë.
Muri i pasmë i errët i kombinuar me mure anësore të hapur dhe dysheme të hapur ul ndjesinë e thellësisë në hapësirë.
Tavan i hapur me dysheme dhe mure të errëta siguron ndriçim vetëm nga lart.
Dysheme e hapur, mure anësore të errët, tavan i errët dhe mur i pasmë i hapur krijojnë ndjesinë e tunelit në dhomë.
Nëse të gjithë muret e një hapësire janë me ngjyrë të errët, vijat humbasin dhe shtëpia duket e ngarkuar.
